رئيس التحرير
خالد مهران
count
count

بالصور.. ثورة بين أهالي أكتوبر بسبب صلاة العيد في الحصري

مسجد الحصري - أرشيفية
مسجد الحصري - أرشيفية


سادت حالة من الغضب بين سكان مدينة 6 أكتوبر خلال صلاة العيد بمسجد الحصري، بعد اكتشاف عدم جاهزية المكان للصلاة بالإضافة إلى وجود طوب وزلط بالأرض، ما اعتبره أهالي المدينة «إهانة».

وفي هذا السياق، قالت رشا المالكي، أحد سكان 6 أكتوبر في منشور لها على مجموعات التواصل الاجتماعي: «عيب أوي لما مسجد كبير زي مسجد الحصري يعمل صلاة العيد في مكان غير أدمي ومش مجهز أصلا للصلاة».

وأضافت: «مشتل كله طين وطوب وزلط ورمل ويقيموا فيه صلاة العيد اللي الناس بتستني علشان تصليها للاسف دي إهانة منكم لله بجد حسبنا الله ونعم الوكيل». 

ولاقي المنشور ردود أفعال واسعة بين الأهالي، إذ قال البعض: «أه والله أنا بقيت ماشية محروق دمي جدااا على المنظر السنة اللي فاتت جوزي كان بيصلي جوة مع الرجاله وأنا وراه مع الستات وفجاه خلصانة صلاة لقينا الرجاله واقفه بتصلي ورانا إحنا والستات وحاجة بجد تكسف والناس اللي كانت برا برضو كانوا بيشتكو من الطين اللي كان في الأرض السنة دى شَوفتوا بقي بعيني والمنظر صعب ومفيش مكان تقفي بجد والله حرق دم».

فيما قال آخرين: «حتى القائمين على المساجد كلهم إلا من رحم ربى تحس أنهم عايشين ومش عايشين.. بيتعبدوا ويؤدون ما عليهم من فروض ويخرجو بره المساجد ينفصلوا ويتحولوا إلى كائنات أخرى.. كأن لم يتعبد أو يعى ما قرأ من قرآن وتحس أن كلنا بقينا مسوخ فينا كل شىء ونقيضه السىء ولكننا نعشق السىء والرديء من كل شىء».

وطالب الأهالي باللجوء إلى إدارة الجامع لتقديم شكوي جماعية عن تفاصيل ما حدث، قائلين: «يا جماعة من غير ولا زعل ولا نرفزة .. اتكلموا مع حد من إدارة المسجد....لو مفيش استجابة للأسف روحوا صلوا فى مسجد تانى... أنا ملاحظ أن معظم مساجدنا مهملة وغير نظيفة».