تحذيرات سكان الرحاب ومدينتي من شركة طلعت مصطفى تسبب في كارثة بمشروع سيليا الجديد

لاقى المشروع ردود افعال واسعة بين سكان مدينة الرحاب ومدينتي، وقالت رشا عماد، هو بعد المسخرة اللي في الرحاب ومدينتي في حد ممكن يفكر في طلعت مصطفي تاني دة كفاية قطع المياه والكهرباء وكمان امن معظمه متواطيء للسرقة والقتل.

وطالبت مني زرقا احد سكان الرحاب من هشام طلعت مصطفي بضرورة الإهتمام بمشاريعة السابقة وتلافي السلبيات قبل البدء في مشروعات جديدة.

من جانبها قالت أحد السكان وتدعى هدى: "هو فاكر ان الناس مش عارفة مصايب الرحاب من سرقة وقتل ودبح وتجار مخدرات، وعنده أمل أن مبيعاته تشتغل".

وحذرت قائلة: "الناس قبل ماتدفع مليم المفروض تشوف أحوال الرحاب ومدينتى إيه وبعدين تقرر لانه هيكون نفس المصير فى المدن الجديدة التي مقرر إنشاءها في العاصمة الإدارية". 

وتساءلت نيفين حسني عن كيفية ثقة الناس في شركة طلعت مصطفى بعد كوارث التشطيب في مدينتي. 

وقال مظهر نظمي:" اللى أتلسع  من شوربة الرحاب ماعتقدش حتى ينفخ فى زبادى العاصمة الجديدة، وقالت أخرى الأسعار دي على أساس تشطيبات الإيواء في الرحاب والتصدعات والتشققات في عمارات مدينتي، سابقة اعمال الشركة اكبر رد على مصداقيتها".

وقال سامح المستكاوي: "سرقة علنى المتر فى الصحراء عايز يبيعه ب٢٠ ألف جنيه وعلى إيه، علشان الصحراء الجرداء ولا على سمعة شركة زى الزفت بتبيعلك بأعلى سعر فى مصر وتسلمك تشطيب أقل من الإسكان الشعبى و إدارة نهب تسرق فيك رايح جاى وبعد ما تسكن تتفاجأ انهم بيبنوا المساحات الخضراء واماكن انتظار السيارات مولات وشقق وفيلات علشان يكتمل النصب ويبقا نصبوا عليك من كله".

وقال أخر: "يعني احنا ساكنين في الرحاب اللى تعتبر في وسط العمار وكل شوية المياه مقطوعة والخدمات أى كلام ومفيش اهتمام تفتكري هاروح احجز في أى مشروع تاني عندهم بعد البهدله دي، وطالب بضرورة الإهتمام بالرح اب نظير مبالغ الصيانة التي يتم دفعها". 

جدير بالذكر هناك ٤٦٠٠ شخص سحبوا مبالغ جدية الحجز من شركة طلعت مصطفى رافضين الاستمرار في إجراءات التعاقد نظرا لارتفاع الأسعار مقارنة بالمنتج المسلم و خدمة ما بعد البيع.