الورقي
مواطن يشكو من «كيان إيجيبت».. ويؤكد: عايزني أدفع 44 ألف جنيه بعيب في الصناعة
تلقت جريدة «النبأ» شكوى من المهندس مروان أسامة أمين، حول مماطلت توكيل «سيات SEAT»، في تصليح عطل بـ«الفتيس» في سيارة «سيات ليون»، بالإضافة إلى إجباره على دفع 44 ألف جنيه ثمن التصليح.
وقال «أمين»، في شكوته: «أنا اشتريت سارة (سيات ليون) في 2015 والسيارة في سنة 2018، حصل فيها عطل مهم جدًا وشائع وبيحصل في معظم عربيات سيات وهي مشكلة الفتيس، وأنه في جزء من الفتيس بيبوظ وده عيب صناعة وجزء من الميكاترونك».
وأضاف في شكوته: «اللي حصل أني كنت ماشي بالعربية ومرة واحدة العربية وقفت ومش عاوزة تمشي خالص وبعدين كلمت التوكيل وقلتلهم أنا هجيب العربية على ونش واجبهالكوا وبالفعل رحت التوكيل والعربية على ونش وطلع العيب في الميكاترونك».
وتابع: «طبعا قرروا أني هدفع ثمن القطعة دي بالكامل وده علشان أنا مش منتظم فالصيانة فالتوكيل مع العلم أنه محصلش مني أي سبب أن يكون أنا اللي بوظت القطعة وزي ما وضحت في الأول ده عيب صناعة فالقطعة وسألتهم فالتوكيل أيه سبب تعطيل القطعة».
وواصل: «محدش عنده سبب مقنع ويرمي الكلام على أني خلاص بره الضمان وأنا بعت إيميل للشركة الأم في إسبانيا وقالوا إنهم هيحققوا في الموضوع وخلوني بردو أتواصل مع الوكيل بتاعهم في مصر (كيان إيجيبت)».
واستكمل: «كمان عملت شكوي فحماية المستهلك ولكن حتي الآن حماية المستهلك لم يتواصل معي واعتقد مش هيعمل أي حاجة، بس السؤال هنا لو كانت العربية عملت هذا العطل وأنا علي طريق سفر كان هيكون الوضع أيه الآن؛ للعلم القطعة اللي التوكيل عايزني أحاسب عليها، تمنها (44.000)».
وتتلقى جريدة «النبأ»، شكاوى المواطنين على الإيميل التالي: [email protected] .
