رئيس التحرير
خالد مهران
count
count

تصرف غريب ومستفز من سائق أتوبيس "الرحاب" مع إحدى السكان

أتوبيس الرحاب_ أرشيفية
أتوبيس الرحاب_ أرشيفية

أعربت أحد سكان مدينة الرحاب تدعي "إنجي أحمد" إستياءها من اتوبيس المدينة الذي تعمد التأخير والانتظار بجانب معاملة سائق الأتوبيس بشكل غير لائق معها.

وقالت في منشور لها على جروب " مدينة الرحاب": "أنا بس عاوزه اسأل سؤال لادارة الرحاب  خاصة إدارة الحركة الداخلية، انتوا مشغلين سواقين بلطجية ولا جايبنلهم اتوبيسات يتفسحوا ويعملوا غرز بيها".

وتابعت "اليوم كنت منتظرة اتوبيس الداخلي رقم 9،10 وموعده 11 مساء وحتى الساعة 11.20، الاتوبيس مش راضي يطلع طبعا عشان مفيش حد في الاتوبيس غير 3 أفراد والمشرف مصمم انه ينتظر نصف ساعة ليستطيع  ان يجمع ركاب، حاجة مهزلة وكأننا في موقف العاشر.

وقالت " المصيبة الاكبر من الكلام ده أن السائق طاير ومش راضي يقف لأي حد بيشاور له أو حتى واقف في محطه لانه طالع متكدر طبعا و كأنه بيجبي علينا كسكان، المهم مرضتش اتكلم وقلت شكله شارب حاجة او بيتعاطي مخدر، اللي ضايقني وخلاني فعلا مش هسكت على السواق دة ومديرة  المتواطئ اني لما طلبت منه انزل كذا مرة بصوت عالى مش راضي يقف وكأنه مصمم يعاقبنى على انى لم انتظر لغاية ما هما يطلعوا بمزاجهم. 

واضافت " بعد ما زعقت فيه وخبطت على الباب جامد راح ضرب فرامل جامد عشان اقع وقالي انزلي بعد 300 متر تقريبا من المحطة، وقالت اللى مضايقني ازاي بقينا ملناش كرامة في مدينتنا كدة، إزاي بقي المديريين حتى دون المستوي انهم يبقوا بيراقبوا الخدمة ومستوي السواقين عشان راحة السكان اللي هما اصلا بيقبضوا من فلوسهم.

وتساءلت: "إزاى السواق يبقي ضارب بالإدارة  وبالمشرفيين والمدريين عرض الحائط وحاسس إنه سواق على ميكروباص و يقف للى عاجبه ويمشي بسرعة جنونية واللى يتخبط ولا يحصله حاجه مش مهم.

وقالت: "الله يرحم أيام "هشام" لما كان الراجل اللى بيخاف علي سمعته، كان لو السواق مش رابط الكرافته كان بيتحاسب، والناس ده اكيد عارفة ان الدنيا فوضي ومافيش حساب عشان كده لازم يعملوا كده .

وختمت قائلة: "على العموم انا مش هسكت، بكرة الصبح هاروح الحركة واشوف السواق البلطجي ده ايه موضوعةو مش هسيب حقي، و ياريت كلنا نعمل كدة.