الورقي
بالصور.. تحذير هام جدًا من منتج «ماسي دورو جولد»
حذرت إحدى الفتيات، وتدعى منى شهروان، من منتج «ماسي دورو جولد» بعد تعرض بشرتها للالتهابات جراء استعماله.
وقالت في منشور لها على أحد جروبات موقع التواصل الاجتماعي "فيسبوك": «دي تجربتي مع ماسي دورو جولد.. اوعى حد يفكر يجيبه.. بجد كان هيدمر بشرتي.. التهاب رهيب تحت العين كأن حد كب على وشى ميه نار واتنطط وأنا بحطه كريم إيه ده اللي يعمل كده أنا أصلا بشرتي كويسة جدا الحمد لله.. بس جبته علشان الهالات السودا قولت طالما بيوديها أجيبه ومن أول مرة التهاب غير طبيعى رغم إنى استخدمت زي ما قالوا بالظبط».
وتابعت: «أتصلت كتير بالشركة مفيش حد اهتم كل اللي بيقولوه هنبلغ الإدارة.. وعملولى حظر من على الأكونت بتاعهم علشان مدخلش أحذر حد لأني قولتلهم كده بس ده طبعا بعد اتصالات كتير وحرقه دم، طبعا وقفته ودكاتره جلدية قالولى لازم توقفيه ده غير أنه عملى تجاعيد تحت عيني رغم أنهم بيقولوا مقاوم للتجاعيد، وحسبي الله ونعم الوكيل فيهم، ومعايا الشات والمكالمات اللي بيني وبينهم يعني مش بشهر بحد هما فعلا ضروني وجدا غير طبعا الفلوس اللي اترمت في الأرض، واتكلمت بدل المرة ألف مرة والمختصة اللى هى الدكتورة ولا مرة فكرت تتنازل وتكلمنى وتعرف شكوتى بس هتسيب التليفزيون والشاشة وتتنازل وتكلمني سابت التمثيل فبتعوضه ببرنامج وبتضحك علي الناس بس أنا غلطانة أكيد إني مش سألت الأول وللأسف سألت بعدين ولقيت بنات بتأكد أنه وحش».
وختمت قائلة: «أى واحدة تفكر أنا بنصحها لا، وأنصحوا أصحابكم أي منتج عليه شو إعلانى بالشكل ده وحلقات يومية اعرفوا أنه نصب وحسبي الله ونعم الوكيل».
جدير بالذكر أن مقر الشركة المروجة لـ«ماسي دورو جولد»، ومركز التجميل، يوجدان بمنطقة غرب سوميد بمدينة 6 أكتوبر.
