بالصور.. وقائع «غريبة» تحدث في التجمع وتحذير هام جدًا للسكان

تعرضت إحدى سكان التجمع الأول، وتدعى إسراء سامر، لتكسير سيارتها أثناء ركنها في بارك أمام منزلها، محذرة جميع السكان من تعرض سيارتهم للكسر، وقالت في منشور لها على أحد جروبات «التجمع» بموقع التواصل الاجتماعي «فيس بوك»: «صحيت الصبح لقيت عربيتي بالمنظر ده.. وهى راكنة في بارك قدام البيت واضح أنها عربية نقل وواحد مافيش عنده ريحة الضمير خبطها بالشكل ده.. أكيد مش غصب عنه.. طبعا أنا استعوضت ربنا والحمد الله، الغريب أنه بعدها بكام يوم صديقة ساكنة قريب مني حصل معاها نفس الموقف بس في أكثر من عربية والصبح بدري تقريبا بعد الفجر يعني في نفس توقيت اللى اتخبطت فيه عربيتي وعربية نقل وخبطت عربيات بنفس الشكل المستفز».

وتابعت: «أنا قلت لازم كل سكان التجمع يعرفوا لأن الموضوع شكله مقصود، وفي واحد منه لله نازل يخبط في عربيات الناس، وأكيد في كتير منعرفش عنهم حاجة، وإن شاء الله حد يعرف يوصله».

ولاقى المنشور، ردود فعل واسعة، مؤكدين أن سيارات جمع القمامة هي التي تقوم بتكسير السيارات.