رئيس التحرير
خالد مهران
count
count

بالصورة.. تفاصيل تعرض فتاة لكارثة بـ«حدائق الأهرام»

حدائق الأهرام_ أرشيفية
حدائق الأهرام_ أرشيفية


طالب أحد سكان «حدائق الأهرام» التكاتف والوقوف بجوار فتاة تسكن بالحدائق بعد تعرضها للضرب المبرح على يد إحدى جيرانها، ما تسببت لها في «ارتجاج» بالمخ وفقدان جزئي للذاكرة.


وقال في منشور له على جروب بموقع التواصل الاجتماعي  «فيس بوك»: «السلام عليكم يا أهل الحدائق الكرام في جاره لينا في الحدائق اتعرضت لظلم وقهر من جارة تانية للأسف المفروض إنها ست كبيرة البنت بترجع بالعربية بتاعتها لورا شوية عشان تعدي شخص جاي أمامها، وكان في الخلف سيارة الست الجارة اللى المفروض أنها محترمة ذنقت عليها شوية بدون قصد».


وتابع: «قامت الجارة المحترمة طلعت من عربيتها وضربت البنت وهي داخل عربيتها على رأسها وجابت لها ارتجاج في المخ وفقدان في الذاكرة جزئي، واخدت 11 غرزة، ونزلتها من العربية وضربتها بالشلوت في أماكن حساسة، البنت عملت محضر وكان في شهود على كلامها».

واستكمل: «الست اللى ضربتها بتهددها عشان المحضر وبتقول إن زوجها رئيس محكمة الجيزة وهي محامية كبيرة البنت في حاله انهيار، حقها مش عارفة تاخده ونفسيا متدمرة».


وقال: «المهم سألنا على زوج الست طلع مقاول مش رئيس محكمة ولا حاجة، دلوقتي البنت دي تعمل إيه، هي خايفة الست تتعرض لها تاني».

وختم قائلا: «أنا عن نفسي هاقف معاكي وإن شاء الله حقك هايرجع ما تخفيش إحنا مش في غابه إحنا في بلد القانون، وبقول للست الجانية حسبى الله ونعم الوكيل فيكي وإن شاء الله قريب جدا حق المظلومة بيرجع منك لله، لو في محامي معانا يقدر يقف مع البنت دي يبقى كتر خيره هي تقدر تدفع أتعاب المحاماة بس مش قادره تنزل من البيت حاليا».