رئيس التحرير
خالد مهران
count
count

بالصور.. كلاب الشوارع تتسبب في كارثة بالتجمع الأول

كلاب شوارع_ أرشيفية
كلاب شوارع_ أرشيفية

انتقد أحد سكان التجمع الأول ظاهرة انتشار الكلاب التي تتسبب في ترويع السكان والأطفال، مشيرًا إلى شراسة هذه الكلاب والتي اتضحت بعد هجومهم على قطة وتقطيعها. 

وقال «محمد سليمان»، في منشور له على موقع التواصل الاجتماعي «فيسبوك»: « بالنسبة للناس بتاعت حقوق الحيوان يشوفوا الكلاب عملوا ايه بالقطة اللي كانت بتجري منهم قدامي وعلى ما ركبت العربية كانوا اصطادوها وموتوها زي ما انتوا شايفين كدة يا بتوع حقوق الكلاب احنا عايزين حق القطة دي مش روح برضه ولا في تفرقة عندكوا ؟؟؟؟؟».

وأضاف: « طيب ما تتخيلوا بقى أن بدل القطة دي عيل من عيالكوا حاول يقرب من الكلاب دي ياترى الكلاب هايعرفوا أنه ابن اللي بينادي بحقوقهم ولا على أسوأ تقدير هايقطعله هدومه ويعوره، أنتم ممكن تكونوا مابتخافوش من الكلاب أو بتحبوا كلاب الشوارع ودا حقكم طبعا بس لو أنتم في مكان مقفول عليكوا لوحدكوا تربوا فيه كل كلاب الشوارع اللي تحبوها إنما لما تبقوا عايشين مع ناس بتخاف من كلاب الشوارع يبقى تفكروا بغير الأنانية اللي فيكم دي، وتخيلوا كده الكلب بالنسبة للناس اللي بتخاف زي أسد أو نمر بالنسبة لكم، هاتبقى مبسوط ومطمن على عيالك وفي أسود ونمور سايبة في الشوارع».

وختم «سليمان» منشوره  قائلًا: « سيدنا محمد عليه الصلاة والسلام كان يأمر بعدم ترويع الأطفال والنساء في الغزوات مع الأعداء فما بالكم بمن هم ليسوا أعداء اتقوا الله فينا ونحن أولى من الكلاب بأن تحافظوا على حياتهم».