رئيس التحرير
خالد مهران
count
count

بالصور.. تفاصيل تحرش عمال في مدينة الرحاب بسيدة واختفائها بعد الواقعة

الرحاب- أرشيفية
الرحاب- أرشيفية

 
شهدت مدينة الرحاب واقعة غريبة، حيث تحرش أحد عمال سيتي كريب بالسوق التجاري في المدينة بسيدة، فقامت الأخيرة بالبصق في وجه العامل ما أدى إلى تشابك الزوج مع عمال المحل، فيما حاول مجموعة من الشباب التدخل ولكن تعرضوا للضرب.

ونشرت إحدى صفحات مدينة الرحاب على موقع التواصل الاجتماعي «فيسبوك»، تفاصيل الواقعة قائلة:

«عمال محل كريب بالسوق التجارى يلقنون شباب من سكان الرحاب علقة بسبب دفاع الشباب عن سيدة تعرضت للتحرش، وقامت بالبصق على وجهه دفاعا عن نفسها وبعد ذلك تعرض زوجها ريمون للضرب مما دعى تدخل الشباب ولكن الكثرة غلبت وتجمع العمال من الفرعين وغياب الأمن.

وعمر أحد المصابين يطالب زوج السيدة بالتواصل مع الشباب للشهادة أمام النيابة لأنهم متهمون بإتلاف المحل وسرقة 150 ألف جنيه والكاميرات ستثبت الحقيقة وهم رافضين تفريغ الكاميرات والمحلات المجاورة أيضا رافضة مجاملة للمحل».


وقال عمر يوسف أحد المصابين للصفحة: « أنا من الناس المصابة وأنا ذنبي إيه إني أشوف راجل و ست بيضربوا طبيعي إني أدخل أحوش وأبعد الناس عنهم في الآخر أخد 20 غرزة في دماغي بالسكاكين وفتحوا أنبوبة ورموها علينا وبيرموا السكاكين زي ما يكون إننا بلطجية وإحنا كانت نيتنا خير وفي الآخر اتهمونا بسرقة المحل والتهجم عليهم ولبسونا حبة تهم حلوة» على حد وصفة.

وتابع: « و لو فعلا هم على حق ينشر الفيديو كامل من الكاميرا أو المحلات المجاورة وغير راضيين يطلعوا الفيديو، وأنا مش بقول إن احنا مضربنهمش ده كان دفاع عن النفس بس محدش فينا مسك سلاح ولا جرح حد فيهم كانوا بيرموا علينا الكراسي كنا بندافع عن نفسنا بنفس الكراسي التي ترمى علينا، ياريت أي حد كان شاهد يتواصل معانا أو يعرف الراجل أو الست عشان احنا اتظلمنا في الحوار ده كله بسبب إن أهلنا ربونا إننا منسكتش على غلط وإحنا مش هنسيب حقنا و لو شفنا نفس الغلط ده تاني هنعمل نفس اللي عملناه تاني عشان احنا كلنا جيران و زي الأهل وكان ممكن حد من اخواتنا يكون مكان الست اللى كانت بتضرب كإنها شاب بيتخانق فالشارع».

وأوضح أن: « الأمن وأصحاب المحلات المجاورة كانت واقفة بتتفرج ومحدش كان عايز يجيب حق الست كانوا عايزين إن الست تكتفي بكلمة أسف و ده مش حقها، وأنا كل المنتظره من الناس الشاهدة على الموقف تأتي للشهادة وتتواصل معايا عشان احنا لابسين جريمة احنا معملنهاش ولو كل واحد من شاهدوا الموقف لو له ابن حصله اللي حصل كان هيتمني أن الناس تيجي تشهد مش زي المحلات المجاورة قالوا: لا احنا مش هنشهد على جارنا».

واختتم كلامه  قائلًا: « ده رقمي أى حد عارف الراجل احنا سمعنا الست وهي بتقولو يا (ريمون) أو شاف اللى حصل يكلمني على 01027621998».