الورقي
بالصور.. إهمال بأحد مولات مدينة الرحاب يتسبب في كارثة لطفلة
تعرضت طفلة تبلغ من العمر 4 سنوات تدعى "زينة" بمجموعة 35 بمدينة الرحاب، أمس الخميس، لقطع جزئي "بوتر أكيليس" بالساق اليمني في mall2 أثناء خروجها من الحمام.
ونشرت إحدى الصفحات على موقع التواصل الاجتماعي "فيسبوك" تفاصيل الواقعة على لسان والدة الطفلة وتدعي "إيمان عاطف" قائلة في منشور لها على صفحة "الرحاب":
"بعتذر عن بشاعة الصورة بس دى بنتى ٤ سنين كنا فى mall2 امبارح الخميس ٧/٩ الصبح و طلبت تدخل الحمام، للأسف دخلنا الحمام اللى فى الدور التانى جنب محل الإسراء بتاع الطرح.
وأثناء خروجنا من الحمام الباب قفل على رجلها (الباب من تحت فيه حتة معدن مسنونه زى الساطور) و دى كانت النتيجة.
وأضافت:"الجرح واضح أمام حضراتكوا دا غير إن وتر اكيليس اتقطع قطع جزئى بنسبه ٣٠٪ و للى ميعرفش وتر اكيليس دا وتر مسئول عن توازن الجسم كله وتحريك مشط القدم وبالتالى المسؤل الأول والأخير عن المشى".
وتابعت: "بنتى عملت عملية لمدة ساعتين وللأسف نتيجة العملية مش هتبان غير بعد فتره ٦ أسابيع فى الجبس وعلاج طبيعى".
وقالت: حسبى الله في كل من اهمل وتسبب فى المصيبة دى انا منمتش من امبارح وبنتى مرعوبه وطول الوقت بندعى نشوفها ماشيه على رجليها تانى.
حسبى الله و نعم الوكيل مره كمان انا لو بنتى جرالها حاجه لا قدر الله مش هسكت وعايزاكم يا جماعه تساندونى وتدعمونى علشان زينه بنتى وأرجو منكم الدعاء ليها بإتمام شفاها على خير لأنى مش هعرف أعيش لو حصلها حاجه لا قدر الله.
وتواصل أدمن صفحة " أخبار سكان مدينة الرحاب" مع المدير التجاري لإدارة المول وتعهد بالتواصل مع والدة الطفلة لاتخاذ مايلزم.
