بالصور.. احذر هذا الرجل على طريق الربوة بمدينة الشيخ زايد

حذر أحد سكان مدينة الشيخ زايد، الأهالي من رجل يقف على طريق الربوة باتجاه بوابات الصحراوي يستوقف السيارات المارة بطريقة غريبة، بغرض السرقة أو الشحاتة. بقيامه بإلقاء نفسه على الأرض عند رؤيته أي سيارة مارة لكسب تعاطفهم وأستيقفهم لتثبيتهم أو للشحاته.

وكتب أحد سكان المدينة، منشورًا على إحدى المجموعات المهتمة بأخبار الشيخ زايد على موقع التواصل الاجتماعي "فيس بوك"، قال فيه: 

" النهاردة في الشيخ زايد طريق الربوة اتجاه بوابات الصحراوي شفت الراجل ده وقع كده فجأة واتدألج على الأرض، قلت هقف وفضلت بفكر أقف ولا ما قفش على ما فكرت كنت مشيت فقلت لا حرام أرجعله المهم لفيت ورجعت لقيته قام".

وتابع: " بسم الله ما شاء الله ابن اللذينة بس مش دي المفاجأة يمكن كان اتكعبل وقام عادي المفاجأة أنه أول ما شافني جاي وقع تاني".

وأضاف في منشوره: "فضلت ألف وارجعله ويقع يجيي ٧ أو ٨ مرات كل مرة يقع و يتمرمغ في الأرض أول مرتين كنت بتأكد، بعدها بقيت بقول للعربيات متقفلوش، ولقيت عربيات من السكان عارفينه أصلا من كتر ما هو معتاد على الحركة دي".

وأستطرد قائلًا: " في عربية واحدة وقفتله بس كان فيها ناس كتير تقريبا شربوه مايه وخلاص أو مش عارف بس يمكن لو حد لوحده كان ثبته أو على الأقل حاول يشحت مثلا المهم يعني أن الناس تاخد بالها وهما معديين من هناك من الراجل ده".

واختتم تحذيره قائلًا: " من وجهة نظري إن لو في أي مكان حصل الموقف ده مش الصح برضه إنك تمشي لأنه ممكن يبقى حد محتاج مساعدة فعلا فا أعتقد أنسب حاجة تدور على حد تاني ماشي مثلا بس متقفلوش لوحدك".