رئيس التحرير
خالد مهران
count
count

«سلمى صباحي» بعد اتهامها بعدم الحزن على عمرو سمير: «أنا مُذيعة مُحترفة»

سلمى صباحي
سلمى صباحي


حرصت المذيعة سلمى صباحي، على الدفاع عن نفسها بعد ظهورها الأخير في حلقة جديدة من برنامجها للأطفال "بنات وولاد"، والذي يذاع عبر قناة "النهار"، وظهرت خلاله بملابس ملونة وسعيدة وتضحك مع الأطفال، ما أثار جدلًا واسعًا بين متابعيها؛ لأنها كانت الصديقة المقربة للمذيع والممثل الراحل عمرو سمير.

واتهمها البعض أنها ليست حزينة لفقدان صديقها، الذي كانت بدايته معها في برنامج "شبابيك"، وما زاد الانتقادات أن زميلتها المذيعة فرح علي ظهرت بملابس سوداء وبكت عندما تحدثت عن "عمرو"، وأعلنت خبر وفاته في برنامج "هذا الصباح" والذي يذاع عبر قناة "CBC".

ولكن ردت "سلمى" على هذه الانتقادات، وكتبت عبر حسابها الرسمي على "فيسبوك" قائلة: "من ساعة ما عرفت خبر عمرو وانا عايشه في عالم تاني .. عالم كان من 12 سنه ايام #شبابيك بافتح كل الفيديوهات والصور و باعيط كتير وبادعي كتير و لسه مش مستوعبه ومصدومه .. بقالي يومين مش بنام و عياط مستمر مسببلي صداع و عينيا منفخه".

وتابعت: "انهارده حلقة رجوع برنامجي بنات وولاد بعد اجازة رمضان و ده برنامج أطفال و انا مذيعه محترفه و لازم افصل بين حياتي وشغلي خصوصا اني طالعه أطلّ على أطفال بيستنوني كل اسبوع عشان يفرحوا مالهمش ذنب اطلع حزينه ولا مكشره ولا لابسه غامق ولا اي مظهر من مظاهر الحزن دي".

وأكملت: "كان صعب جدا اطلع باضحك لأني فعلا جوايا وجع كبير لكن كان لازم اعمل كده وافرح الاطفال اللي معايا في الستوديو او اللي متابعيني في البيوت .. الناس اللي عقولها مريضه و قلوبها قاسيه اوي و مش فاهمه ولا حاسه بيا واللي حزنهم عمره ما هاييجي نقطه في بحر حزني وبيلوموا عليا عشان طلعت حلقة انهارده ضحكت ولبست فاتح .. ربنا مايوقعكوا في ناس شبهكوا بلا احساس! اعوذبالله".