الورقي
بالفيديو.. بزنس التجار من عروض "كارفور" الجديدة
شن نشطاء موقع التواصل الاجتماعي "فيسبوك"، هجومًا على سلسلة فروع "كارفور"، بعد نشر مقطع فيديو لـ3 أشخاص يعتقد أنهم تجار بحوزتهم 7 عربات تسوق مليئة بالسلع، لبيعها بسعر أعلى للمواطنين، معتبرين ذلك تربح، ومخالف للقانون.
وروى أحد شهود العيان الواقعة، قائلًا: "النهاردة نزلت قبل الافطار اجيب حاجات من كارفور المعادي .. وكان رايق بس لقيت حاجة غريبة اوي واحد وواحدة ومعاهم شاب ... ومعاهم 7عربيات وكل عربية فيها 15 كرتونة سمن يعني 105 كرتونة".
وأضاف: "صورت اللى حصل وسمعت الحوار اللى دار وهو أن الراجل بيقول للكشير نفس الكمية اللى خرجناها من شوية يعني 105 فالكشير كلم حد اسمه استاذ وحيد وقال للراجل استاذ وحيد جاي فالست اتخضت وقالتله وبعدين".
وتابع: "فالراجل رد وقالها ما تشغليش بالك تبعنا، وجه اللى اسمه وحيد وسلم علي الراجل وقال للكشير خرجه والكشير طلب من قال الراجل الحساب 10آلاف و350 تقريبا فداله الفلوس وبدء الكشير يعد والراجل طلع فلوس تاني فئة 100 جنيه من جيبه وبدء يوزع علي بتوع الأمن ومصورلكم الكلام ده.. المشكلة بقي أن جه واحد اسمه ياسر عرفت بعد كده أنه رئيس وردية الأمن وشاف اللى حاصل وسلم علي الراجل والست".
واستكمل: "المهم بعد ما خرج سألت الكشير هو ده كده عادى فقالي لا طبعا لان دول تجار والسمنة دي مدعمة بس طالما الأمن وافق أنا ماليش دعوة .. فسألته يعني لو شيرت الفيديو اللي صورته مش هاتتأذي.. طبعا اتخض بس حب يبين أن الموضوع عادي فقالي انشر عادي أنا ماعليش أي مسئولية طالما الأمن واقف!".
وأوضح: "خرجت واتوجهت لواحد من الأمن شكله كده مسئول وقولت له هو اللي حصل ده عادي.. فقالي أه عادي طالما بيدفعوا ثمن البضاعة ياخدوها قولت له دول تجار وهايبيعوها بأضعاف ثمنها .. قالي عارف وهاعمل لهم أيه قولت له عموما أنا هاعمل لأـني صورت اللي حصل وهانزله علي الفيس للدنيا كلها".
وواصل: "بدء أسلوب كلامه يتغير ولقيته بيقولي التصوير ممنوع هنا وشاور لى علي يافطة بتقول كده فعلا وقالي أنا من حقي أخد التليفون اللى صورت بيه ... طبعا روحت مكشر ونبرة صوتي بقت رخمة قوي وقولت له لو راجل جرب تاخد التليفون وقانون أيه اللى يمنعني أني أصور حرامية بيسرقونا، وقولت له أنا كده لازم انشر الكلام ده لاني لازم أخد حقي".
واستطرد: "قالي أنشر زي ما تحب وما حدش هايعرف يعمل معانا حاجة لان غيرك كتير صور ونشر وخد صابونة في الاخر.. فقولت له الموضوع مختلف شويتين لأني هافضحكم في الصحافة، قالي بكل ثبات.. بقولك أيه أن حتي لو صحفي مش ها تعرف تعمل حاجة روحوا الأول حلوا مشكلتكوا مع الشرطة وبعدين ابقوا اعملوا مهمين، طبعا والله لو مش في رمضان كنت عملت مصيبة بس قولت اعديها وانزل البوست ده واعرفه اني ممكن اخد حقي من الحرامية اللي بيسرقوني وبالقانون".
