الورقي
ريهام أيمن: «مش بخاف من الحسد.. وهذا سر عدم الكشف عن صور ابني»
خرجت الفنانة ريهام أيمن عن صمتها، وكشفت عن سبب حرصها الدائم على عدم إظهار وجه ابنها "رمزي"، وعدم نشرها صورًا واضحة له عبر مواقع التواصل الاجتماعي.
وأكدت «ريهام» أن السبب في ذلك، هو رغبتها في ترك الحرية لابنها إن أراد عندما يكبر أن يصبح مشهورًا أو ينشر صورًا له.
وأوضحت، أنها لا تخاف من الحسد كما اتهمها البعض، وطالبت جمهورها ومتابعيها عدم التدخل في الحياة الشخصية لأي فنان.
ونشرت "ريهام" صورة لها مع زوجها وهو يحمل ابنهما الصغير دون أن يظهر وجهه وكتبت تعليقًا عليها:"هو أنا بطلب أشوف ولاد أي حد فيكو أو ولاد أي مشاهير حتي أكيد لأ عشان مش من حقي، لما تحب فنان أنت بتحبه هو لفنه و أعماله اللي بتشوفها و لما تحب تشوف صور هتبقي ليه هو مش لولاده.. أنا ابني مش فنان ولا مشهور عشان تحبو تشوفو صور ليه علي صفحتي أنا".
وأكملت:"لما يكبر وهو ياخد قرار أنه عايز يبقي مشهور هتشوفو صور ليه علي صفحته الشخصية إن شاء الله، لكن أنا مبخفش من الحسد و مفيش حد هيحسد فنان بيحبه بالعكس هيفرحله و يتمناله الخير هو و ولاده و ده اللي أنا متأكده منه".
وأضافت: "ياريت وأنت بتكتب تعليق لأي فنان حط نفسك مكانه الأول هتلاقي إن أنت نفسك متقبلش حد يقولك تعمل إيه ومتعملش إيه في حياتك الشخصية بمعني أدق الغير فنية وإن ده الأكاونت بتاعك أنت تنزل اللي أنت عاوزه طالما مش بتضر حد و اللي مش عجبه حاجة أو مستفز من شئ بسيطة بس يعمل unfollow أسهل من إنه يكتب تعليق".
واختتمت: "ربنا يخليلكو ولادكو اللي أكيد كلهم حلوين أوى و يحفظهم لكم دايماً من كل شر و يشفي كل الأطفال المرضي و يعين أهاليهم أمين يا رب....مع حبي و احترامي للجميع".
يُذكر أن الفنانة ريهام أيمن متزوجة من الفنان شريف رمزي، وكشفت، مؤخرًا، عن حملها في طفلها الثاني، بعد أقل من عام واحد على إنجابها ابنها الأول "رمزي".
اقرأ المزيد:
