الورقي
هذا ما قاله أيمن بهجت قمر عن «تركي آل شيخ»!
انتقد الشاعر أيمن بهجت قمر، الهجوم الأخير على «تركي آل شيخ» رئيس مجلس إدارة الهيئة العامة للرياضة بالسعودية والخلط بين كونه صديق شخصي للفنانين وبين خلافاته الأخرى الخاصة باستثماراته في مصر.
وكتب أيمن بهجت قمر، منشورًا عبر حسابه الشخصي على «فيسبوك»، قال فيه: «عايز تعرف ليه أصحاب تركي الشيخ الفنانين الأيام دي بالذات بينزلوا صور ليهم مع تركي الشيخ؟ أنت تحسبها تطبيل وهيطلعكوا عمرة والجو ده مع إن أكيد النجوم دول مش محتاجين يعني، لكن اسمح لي أقولك أنا جايز تفهم حاجة ده لو حابب تفهم، الراجل ده علاقته بينا كلنا من يوم ما عرفناه قبل الكورة والوزارة من سنين علاقه في منتهى الاحترام والمحبة المتبادلة وعمر ما حصل بينا توتر أو فضايح في الفضائيات أو ع المواقع حتى لو فيه خلافات بسيطة بتحصل عمرها ما خرجت خارج الإطار الطبيعي لمشاكل الأصدقاء وده حصل معايا أنا شخصيا.. بيوفر للفنانين اللي بيتعاملوا معاه إمكانيات كبيرة عشان الأعمال تطلع في أفضل صورة، وله مواقف على المستوى الإنساني جاحد اللي ينكرها ومساعدات ماجتش من النقابات والجمعيات».
وتابع: «أنا بالنسبالي عمري ما أنسى إن في عز مشاكلي مع روتانا دعاني لحفل صعود المنتخب السعودي في الرياض ودخلت وقعدت في الصفوف الأولى وأنا رافع راسي والحفله برعاية روتانا ولقيت من كل قيادات روتانا بلا استثناء كل الحفاوة والاحترام برغم إني برضه لسه مازلت ما بشتغلش معاهم بسبب عقود النشر.. خلافاته الشخصية المعلنة أو الخاصة بيه دي حاجه مالهاش أي علاقه بينا بس لما يتهاجم لازم يلاقي أصدقاءه واقفين معاه وبيشدوا من أزره وبيحتلفوا معاه بنجاحه ونجاحنا مع عمرو دياب وللا الصداقة بس في الزمبليطة والهيصة!.. ألف مبروك لتركي آل الشيخ ولكل زمايلي اللي اشتركوا في الألبوم المحترم ده ويارب دايما ناجحين مع بعض».
