الورقي
أحمد حسن: حكاية الدكتورة مريم تصفع "هلس" الإعلام
في
تصرف يعكس قيمة ونجومية الصقر أحمد حسن نجم مصر الكبير، وعميد لاعبي العالم،
والمتحدث الرسمي الحالي باسم نادي بيراميدز، قرر كابتن مصر التاريخي الكشف عن
حكايته مع "مريم" الطالبة المثالية، والحاصلة على المركز الثاني على
مستوى الجمهورية في الثانوية العامة العام الماضي
قال
الصقر:"من سنة وبالتحديد يوم 16/7/2017 قمت بزياره لعم سعيد الرجل البسيط
وبنته مريم طالبة الثانوية العامة، والثانيه على الجمهورية وها أنا اكرر الزياره
اليوم بعد اتصال الحاج سعيد، واتصالاتنا لن تنقطع من يوم زيارتى لهم، ولن أنسى أهم
اتصال من عم سعيد ومريم من أمام الكعبة"
وتابع:"من كام
يوم اتصل بي عم سعيد علشان يبلغنى ويفرحنى بنجاح مريم فى السنة الأولى فى كليه طب بامتياز،
وقالى عاوز افرحك بأختك أو ببنتك مريم على نجاحها:
وواصل
الصقر: " أعتقد أن مريم فعلا بتدينا طاقة إيجابية وأمل فى التحديات ومواجهه
الصعوبات أيًا كانت ودا بيأكد أن البلد لسه فيها خير كبير بالناس الطيبيين دول"
وتساءل العميد: "هل حد من إعلامنا جري علشان
يظهر ويقدم الدكتورة مريم كقدوه ومثل لكل الشباب والاجيال القادمه ؟!! ولا هنفضل
دايما نقدم امثال ونماذج الهلس كقدوه للشباب"
وواصل: "في كتير زي مريم هما دول القدوه الحقيقيين
هما دول الى يجب الناس تتعلم منهم بس لازم الاول الناس تقف جنبهم وتظهرهم للمجتمع
وتساعدهم"
وجه كابتن مصر نداءً مهمًا لرجال الأعمال
والقدارين:" لو كل واحد من المسؤلين أو رجال الاعمال تبنى أو ساعد الناس دى أكيد
هيوصلوا لحلمهم ويطلع عندنا مثقفين وعلماء ودكاتره بدل تبنى الاسفاف والهلس
والتفاهات الى بنشوفها كل يوم على الشاشات ليل نهار وأهو فى موضوع ايجابي أهو ونموذج
مشرف ممكن نهري فيه بدل الهري فى الهيافات وكلام فاضى" .
وقال العميد في نهاية حديثه عن حكايته مع مريم: "سعدت
وتشرفت اليوم بزيارتى لعم سعيد والدكتورة مريم الناس الطيبيين، بحس إن الواحد لما
بيشوف ويقعد مع الناس الطيبين دول بيخرج بطاقة إيجابية وأمل.. فعلا الى يتقال
عليهم ولاد الناس اللي أهاليهم عرفوا يربوهم مش الى معاهم كام وعندهم إيه ولابسين
ايه؟.. شكرا عم سعيد الرجل الطيب شكرا مريم"
