رئيس التحرير
خالد مهران
count
count

مواطن يشكو: شركة «سامسونج» ترفض تصليح كسر شاشة بالضمان

سامسونج - أرشيفية
سامسونج - أرشيفية


تلقت جريدة «النبأ»، شكوى من صموئيل ضياء سيزستريس، حول رفض شركة «سامسونج»، تصليح كسر في الشاشة أثناء فترة الضمان.

وقال «صموئيل» في شكوته: « تجربة سيئة جداً مع شركة سامسونج اشتريت تلفيزيون سامسونج (كيرف)، (55-inch UHD 4K Curved Smart)، يوم الخميس الموافق ٢١/٠٦/٢٠١٨، وتم نقل الشاشة عادي في العربية (بداخل العربية - على الكنبة) علما أن البياع أكد أنه ينفع أنقلها فى العربية».

وأضاف في شكوته: «روحت بيها البيت بطلعها من الكرتونة شغلتها لقيت فيها بقعة كبيرة سودة قمت اتصلت بشركة راية (أمان) قالي يا فندم إحنا بنبيع بس ممكن تكلم خدمة العملاء أو تروحلهم الصيانة، وهنا بدأت المصيبة».

وتابع: «اللي كلمته من خدمة عملاء سامسونج قالي حضرتك هو فيه كسر داخلي وده برة الضمان وأن ده سوء استخدام أو نقل خاطئ من غير حتى ما يشوف التلفيزيون، وتكلفة التصليح 10 آلاف جنيه، مع أني أصلا جايب الشاشة بـ11 ألف جنيه».

وختم شكوته: «وكلمت الصيانة اشتكي وطلبت أكلم مدير، المدير وضحلي أن الشاشة محميه كويس وأنهم جربوا تجارب أمان للشاشة انها متتكسرش لو اترمت وهى فى العلبة ومينفعش تتكسر من النقل، وأنا عايز حقي».

وتتلقى جريدة «النبأ»، شكاوى المواطنين على الإيميل التالي: [email protected] .