بالصور| «نصب وبلطجة».. تحذير «خطير» للمواطنين من ورشة «Leader Automotive» للسيارات

حذر عشرات المواطنين على مجموعات موقع التواصل الاجتماعي «فيسبوك»، من ورشة «Leader Automotive Workshop»، لتجديد وإصلاح وسمكرة ودهان السيارات، بطريق القاهرة – إسكندرية الصحراوي بـ«أبو رواش» في محافظة الجيزة.

وبالرغم من الشهرة التي حققتها الورشة خلال السنوات الماضية، إلا إنها أصبحت مكان للابتزاز والنصب، و«البلطجة»، على المواطنين، حسبما أكد المتضررين من ورشة «Leader Automotive Workshop».

وفي هذا السياق، قالت جيهان فتحي، أحد المتضررين: «أنا عايزه احذر من مركز ليدر اوتوموتيف، اللي في أبو رواش الناس دى نصابة وبلطجية، عربيتي قعدت شهرين عندهم سمكرة ودوكو ودفعت 8000 ج من قيمة المبلغ وقالولى 3 أسابيع وأتصل محدش يرد ونروح، العربية لسه زى ما هيا متعملش فيها حاجة لحد ما أخويا راح واشتغلوا فيها وقالوا أسبوع وتخلص لسه».

وأضافت: «واخداها من يومين والمستوى شغل بايظ ووقفنا كام ساعة مع الصناعية يظبطوا فيها وأخويا قالى ده أخرهم نعملها برا، واللي حصل من صاحب المركز أهان خطيبي لما راح يسأل على العربية ويقوله أنت جايبلي كلبه، وابنه بيهدد أن القسم تبعهم وأمن الدولة تبعهم ويقول أنا كلمت حد في أمن الدولة وبلغتهم بالكلام».

وتابعت: «والواد أتهجم على أخويا كان عايز يضربه شغل بلطجة وبوظوا صالون العربية وكسروا ريموت العربية وكسروا الطارة بتاع الجنوط الأسبور وغير كده اخدت العربية أعمل الفينش برا ولما طلبت فاتورة رفضوا وعايزين يضيفوا 14% ولما طلبت ورقة أن العربية في حوزتهم من 20/4 رفضوا والراجل قالي اللي عندك اعمليه».

وواصلت: «إجبارونا على دفع  باقي المبلغ وهو بلغ 11500 دون خصم التلفيات، في عربية بايظة وتعدوا على أخويا، الأهم أن مكان المركز مهجور وده بيساعدهم على البلطجة، وأنا دفعت له باقي الفلوس ومشينا قصاد سلامة أخويا ودى ناس بلطجية بس أنا هبلغ مباحث النت عن أنهم فاتحين صفحة للنصب على الناس وكل كلامهم كدب ولا عندهم فنيات ولا بيفهموا شوية نصابين أنا حبيت بس أعرف الناس».

واستكملت: «على فكرة مش لواحدي، كده إحنا قابلنا ناس كتير عملوا معاهم زيي بالضبط وكلمني من على الفيس حد عربيته عندهم ومش عارف ياخدها شافنى هناك وأنا بتخانق معاهم ودلوقتي عملوا ليا بلوك من على صفحة النصب وهما فاكرين لما ما طلعوش محضر استلام بالعربية».

وختمت: «مش هيعرفوا ينكروا زى ما عملوا مع واحد قبل كده بس صور العربية كلها في المركز عندي غير أننا هشوف بقا بيهددنا بمعارفه وأنه معاه جنسية أمريكية أوعوا تثقوا في حد على النت كلهم معندهمش مصداقية ولا أمانة بصراحة أسوأ ناس قابلتها ومش ملتزمين بوعودهم».

وبدوره، قال شادي ممدوح، متضرر آخر: «بعد ما بعت عربيتي للورشة علشان تتصلح، استلمت العربية بايظة ومتبهدلة، وفيها مشاكل، ودخلت معاهم في مشادات كلامية، ونشرت على موقع التواصل الاجتماعى فيسبوك شكوتي والنصب اللي حصل معايا».

وأضاف: «لكن اتفاجأت، بعد كدا بأنهم سرقوا صورتي، وعملوا بيها صفحة على فيسبوك، مش محترمة ونشروا عني كلام غير صحيح يتهموني بـ(الشذوذ)، ولأن الصفحة عليها مشاكل مباحث الإنترنت قفلوها، واضطريت لبيع العربية بعد ذلك».

ولم يختلف الحال كثيرًا، مع كريم نزيه، والذي أكد: «عربيتي فضلت عندهم 3 شهور قالولي إنهم شغالين فيها وأنهم بروفيشنال وفي الأخر صدمة أن الشغل سئ وبلطجة وخناقات وتهديد علشان يرجعولي العربية وياخدوا 10000 جنيه».

وأضاف: «خدوني في أوضة وهددوني وأخدوا موبايلي علشان يمسحوا أي حاجة عليه، بس انا كنت بعتها واتس آب، لكن عمومًا ربنا فوق أي حد وهو اللي بيجيب الحق».

فيما أشتكي عشرات المواطنين، من البلطجة وأعمال العنف، والتهديدات التي تلقوها من مسئولي الورشة، بالإضافة إلى إجبارهم على دفع مبالغ «ضخمة» بدون تصليح أي مشكلة في السيارة، على حد وصفهم.

واللافت في الأمر، أن أحمد حنفى «صاحب الورشة»، خرج نافيًا شكاوى عشرات المواطنين التي اتنشرت على «فيسبوك» خلال الساعات القليلة الماضية، وأكد أن ما يحدث ما هو إلا حملة ممنهجة هدفها تشويه سمعتهم والنجاحات التي حققوها.

واعترف «حنفي»، بوجود بعض الشكاوى ولكن حول تأخير الاستلام؛ نتيجة «ضغط الشغل»، إذ النسبة لا تتعدى 4%، قائلًا: «اللي بيحصل على السوشيال ميديا حملة مصروف عليها قوي قوي قوي».

وفي الصور التالية بعض الشكاوى والتهديدات التي تلقها المواطنين، بعد التعامل مع ورشة «Leader Automotive» للسيارات.