الورقي
مواطن يشكو: «يونيفرسال» تماطل في تصليح عطل بـ«البوتاجاز» منذ ديسمبر الماضي
تلقت جريدة «النبأ» شكوى، من أحمد بلال، حول مماطلة شركة «يونيفرسال»، في تصليح عطل في «بوتاجاز» منذ ديسمبر الماضي حتى الآن.
وقال «بلال» في شكوته: «عندي بوتاجاز يونيفرسال وكان لسه في الضمان، وحصل كذا مشكلة مرة واحدة فيه الإشعال مش بيثبت علي 3 شعلات فوق داخل الفرن، وده من يوم 7 شهر ديسمبر حتى الآن، وأخذت 3 مواعيد علشان يجوا يصلحوا العطل ومحدش جه».
وأضاف في شكوته: «في الأخر الفني لما جه قال إن كله ممكن يتحل ما عدا الفرن علشان فيه قطعة غيار مش موجودة فهجيلك تاني وأصلح كله مع بعضه ومش هركب حاجة دلوقتي، بعدها حد تاني جه وقالي لا دي طلعت قطعة تانية اللي بايظة مش اللي معايا وده كان في شهر يناير اللي فات».
وتابع: «من وقتها كل لما أتصل يقعدوا يقولولي القطعة موجودة وحد هيكلمك ومحدش يعبرني، وكل مرة يقولولي حد من الإدارة هيكلمك وبردو مفيش، المشكلة إنهم حتي مش بيسمحوا أني أكلم المشرف، وأنا دلوقتي بوتاجازي ضمانة خلص في أخر مارس ولحد دلوقتي متصلحش».
