رئيس التحرير
خالد مهران
count
count

بالصور.. تحذير «هام» قبل الشراء من مشروعات «صبور» العقارية

حسين صبور رئيس شركة
حسين صبور رئيس شركة الأهلي للتنمية العقارية


حذرت أحد المواطنين، تدعي دعاء أحمد، من التعامل مع شركة الأهلى للتنمية العقارية «صبور»، وخاصة مشروع «ذا سكوير» التجمع الخامس، بعد عدم التزامهم بمواعيد التسليم المقررة، بالإضافة إلى تسليم الوحدات بدون مرافق «كهرباء ومياه».

وقالت «دعاء»، في منشور لها على إحدي مجموعات التواصل الاجتماعى «فيسبوك»: «عاوزة احكيلكم تجربتى مع شركة الأهلى للتنمية العقارية (صبور) تحديدا مشروع ذا سكوير التجمع الخامس إحنا من أوائل الناس اللى اشتروا من 2011 فى المرحلة الأولى وكان الكلام وقتها الاستلام بعد 3 سنين والمرحلة التانية بعد الأولى بسنة تقريبا».

وأضافت: «اللى حصل أن الشركة لم تلتزم بالمواعيد نهائيا المرحلة الأولى استلمنا فى 2016 بدون مرافق مفيش (كهرباء ولا مياه) مع وعود بأنها خلال أشهر قليلة المرافق حتكون دخلت وده طبعا اللى محصلش حتى الآن الوضع الحالى فى 2018».

وتابعت: «اللى استلم من المرحلة الأولى ولا عارف يوضب ولا يسكن لأن مفيش مرافق (مع العلم أن المشاريع اللى حوالينا فى نفس المنطقة وفروا كهرباء ومياه للمراحل اللى اتسلمت) حتى السور مخلصش مازال فى انشاءات مفيش شركة أمن نزلت الموقع وبالتالى حصلت سرقات لخامات التشطيب من بعض الوحدات أما المرحلة التانية لسه مستلموش وحداتهم حتى الآن».

وواصلت: «توجهنا بشكاوى كتير للشركة وكل اللى بيحصل وعود بجدول زمنى وطبعا مبيتحققش تروح تشتكى يقولوا مواعيد تانية وبرضه مبتتحققش وهكذا، أنا من سنتين وقت الاستلام قعدت مع المسئول عن التسليم بمقر الشركة فى التجمع الخامس وكان بيأكد لينا أن المرافق هتدخل قبل أخر السنة (2016) والسور خلاص شغالين عليه حاليا وانهم بيفاضلوا بين عروض شركات الأمن وطبعا وحتى يومنا هذا مفيش حاجة من الحاجات اللى ذكرتها ده خلصت».

وختمت: «إحنا حجزنا 2011 على أسم الشركة المعروف بالسمعة الجيدة فى السوق لكن للاسف مع التجربة اكتشفنا عدم الالتزام بالمواعيد والتأخير المبالغ فيه، واحب اقولكم جميعا لاتنخدعوا بالأسماء المشهورة واسألوا مجرب».

ولاقى المنشور ردود أفعال واسعة بين رواد مواقع التواصل الاجتماعى، حيث قالت نجلاء: «انا بستعجب علي شركة صبور هما متأخرين علي ميعاد الاستلام سنتين ومش راضيين يدفعوا التعويضات المنصوص عليها في العقود لا كمان طالبين فلوس زيادة مش مذكورة في العقد دة لو إحنا بنعرف ناخد حقنا كان وفقوا مشاريعة الجديدة تجنبا لمزيد من الضحايا».

بينما قال محمد محمود: «يا جماعة صبور أسوء شركة لا تلتزم بأي وعود في التسليم نصيحة للأعضاء لا تنخدعوا بالوعود البراقة وشوية إعلانات سيكرتيرات لزوم النصب والخداع علي العملاء علشان العميل ينكسف من سكرتيرة حلوة ويوقع العقد وبعدين أخبط دماغك في الحيط ولازم تدفع كل الأقساط وإلا يا ويلك فحذاري من شركة صبور حرصًا على أموالكم واعصابكم لا تتعاملوا مع صبور نهائيًا».

ويذكر أن شركة الأهلي للتنمية العقارية، تنفيذ التصميمات الهندسية، لعدد 4 مشروعات عقارية ضخمة بالعاصمة الإدارية الجديدة، عبارة عن «كمبوند متكامل» وذلك لصالح 4 عملاء من الشركات العقارية الكبرى، وذلك تأتى فى مقدمة المشروعات العقارية التى تم الموفقة على تأسيسها بالعاصمة، وذلك من إجمالى 15 كمبوند سكنى تم طرحهم فى الفترة الماضية.

وتعمل الشركة، على تنمية 4 مشروعات سكنية ضخمة بمدينة المستقبل سيتى بالقاهرة الجديدة، حيث تدشن 4 مشاريع عقارية على مساحات إجمالية تقارب 380 فدان، تشمل «جرين إسكوير» ويقام على مساحة 80 فداناً ويضم فيلات صغيرة وشققاً سكنية وجارى أعمال الإنشاءات والتى وصلت لمراحل متقدمة.

كما وقعت الأهلى شراكة مع شركة المستقبل للتنمية العمرانية المالك والمطور العام لمدينة المستقبل لتنمية مشروع على مساحة 578 فدانًا لتضم 3 أحياء سكنية ومنطقة تجارية وترفيهية تشغل 100 فدان.

وبدأت الشركة، الإنشاءات فى ثانى مشروعاتها بمدينة المستقبل «لافنيير» ويقام على 100 فدان وسوقت نسبة كبيرة من المشروع وتترقب استخراج التراخيص لتنمية ثالث مشروعاتها والذى يقام على مساحة 100 فدان.