إيناس عز الدين تفاجىء الجميع بانفصالها عن زوجها

فاجأت الفنانة إيناس عز الدين، جمهورها، بخبر انفصالها عن زوجها أحمد قمر، موضحة أنهما سيظلان يحتفظا بعلاقتهما الطيبة.

وكتبت إيناس، عبر حسابها الرسمي على موقع التواصل الاجتماعي "فيس بوك": "بعلن انفصالي عن زوجي أحمد قمر بكل حب وود واحترام وتقدير ممكن نكون اختلفنا كأزواج إننا نكمل مع بعض أو النصيب وقف لحد كده بس هيفضل صديق عمري كله.. بتمنالك كل خير وكل سعادة ونجاح يا أحمد يا أنضف إنسان عرفته في حياتي.. كله قسمة ونصيب".

وتابعت: "معلومة دي مش كدبة أبريل ولا ده خبر هزار.. هو ليه الناس مش متقبلة فكرة إننا انفصلنا وإحنا بنحترم بعض وبنحب بعض وشايلين لبعض الخير والتقدير وإننا اختلفنا كزوجين .. وأكيد القرار ده ما اخدناهوش وليد اللحظة وقبل ما نعلنه اتناقشنا كتير وقررنا ننفصل بالمعروف وإحنا شايلين وفاكرين لبعض كل حاجة حلوة".

وأضافت: "مش لازم نذم في بعض ونغلط في بعض وكل واحد فينا يقول التاني كان مطلع عينه علشان الناس تتقبل فكرة انفصالنا إحنا اختلفنا وصعب نكمل كزوجين بس مستحيل نبطل إننا نفضل في حياة بعض كأصدقاء لأننا طول عمرنا كنا أصدقاء حتى وإحنا متجوزين".

وأشارت: "العشرة مش بتهون بالساهل ومش معنى إننا اختلفنا وانفصلنا كأزواج إننا نكره بعض ونغلط في بعض وما نشوفش بعض ونعادي بعض.. إحنا هنفضل أهل غصب عن أي شيء وبنكن لبعض كل حب واحترام وتقدير".