بالصور.. تحذير خطير جدًا لـ«سكان مدينة العبور»

حذر أحد سكان مدينة العبور من شخص محتال يقف على أحد جانبي الطريق بالحي التاسع أمام التوحيد والنور ويحاول إيقاف السيارات الملاكي، ويطلب توصيله لأقرب مكان ثم يبدأ في سرد حكاية مأساوية من وحي الخيال لاستعطاف الناس وإعطائه أى مبلغ.

وروى أحد ضحايا هذا النصاب من مدينة العبور، في منشور له على موقع التواصل الاجتماعي «فيسبوك»، كيف تم النصب عليه قائلًا: « هذا الشخص محتال ونصاب ومبدع في تمثيل أدوار مختلفة لاستغلال طيبة الناس وتعاطفهم والنصب عليهم، أنا تم النصب عليا بنفس الطريق واكتشفت أن أغلب أصدقائي تم النصب عليهم بنفس الطريقه يشاورلك عشان يركب معاك وهو علشان كبير في السن بيصعب علينا». 

وأضاف: «يحكي حكاية تقشعر لها الأبدان وبعد ما ياخد الفلوس منك يقلك نزلني هنا ويقف يشاور لحد تاني ويعمل نفس الدور، من أسبوع قابلتة في التاسع أمام التوحيد والنور وكان في كمين هناك رحت للظابط المحترم اللي واقف في الكمين وقلتله على الراجل والراجل كان واقف بيشاور لحد يركبه الظابط قال "وأنا مالي اعمله ايه"، قلت له بقول لحضرتك ده نصاب، قال "هبقى أشوفه بعدين"، طبعا الراجل ركب عربية ومشي وأنا استحقرت الظابط وطبعا سبته ومشيت وندمت لأني ماصورتش الراجل ولان ربنا عايز يظهر الحق للناس الغلابة».

وتابع: « النهارده الصبح أنا رايح الشغل لقيت الراجل بيشاورلي طبعا وقفت وصورته وكان لازم اعمل شير علشان الناس تعرف وياريت حضراتكم كمان تعملو شير علشان الناس تعرف، ولو حد حصل معاه موقف ياريت يقوله ويحكي اللي حصله».