الورقي
بالصور.. تحذير خطير للسيدات والبنات من السير في شوارع الرحاب
حذرت إحدى سكان مدينة الرحاب البنات والنساء من السير بمفردهن في شوارع المدينة، مشيرة إلى أن المدينة لم تعد آمنة مثل الأول بعد فتح البوابات.
وروت السيدة موقفًا تعرضت له،على إحدى جروبات المدينة بموقع التواصل الاجتماعي " فيسبوك"، قائلة:
«إحنا بقينا نتعاكس علنى فى الشوارع ومن رجالة كبار وحاولت اتمشي حوالين البيت بالرحاب، وخرجت من البيت في منطقة فلل الأولى، وبعد شارعين من البيت فوجئت بسيارة تقف وبتعاكس وراجل كبير وقلة أدب، أنا خفت جدا لأن فرد الأمن بعيد جدا وكمان الشارع هادي وفاضي جدا ولو صرخت محدش هيلحقنى وحاولت الخروج تجاه الشارع الرئيسي ما بين مسجد الهداية والمول وقفت سيارة أخرى وراجل آخر».
وأضافت: «لأني لسة ما وصلتش المول المكان هادي برضه خفت أطلع الموبايل أصوره يقل أدبه عليا أو ينزل يشده مني وبرضه مفيش أمن».
واختتمت حديثها قائلة: « أنا بس عايزة أوضح حاجة مهمة لجيرانى، أنا لابسة نقاب يعني مش باين مني غير عيني ولبسي مفيهوش أي شيء يلفت أي حد في الدنيا، وتساءلت الناس المريضة دي هتعمل إيه مع بناتنا اللي ماشيين على رجليهم في الرحاب أكيد بيتبهدلوا، أنا اول مرة أتعرض لهذا فى الرحاب لأني بستخدم عربيتي على طول، وتابعت أنا رجعت مضايقة جدا وحزينة بجد على الرحاب اللى ضاعت بسبب فتح البوابات، وخفت على بناتنا أكثر وأكثر».
