رئيس التحرير
خالد مهران
count
count

بالصور.. راكبة تسرد تجربتها السيئة مع "طيران النيل"

طيران النيل _ أرشيفية
طيران النيل _ أرشيفية

أبدت إحدى راكبات "طيران النيل" استياءها من تجربتها على أول رحلة لها مع الشركة على أحد جروبات موقع التواصل الاجتماعي "فيسبوك".

وقالت إن الرحلة كانت متجهة من مطار برج العرب لمطار الملك عبد العزيز بجدة.

وقالت: "مبدئيا لأنا كنت متحمسة جدا أسافر على خطوط النيل لأنها شركة مصرية "كنت بحسبها مصرية بس في ناس في الكومنتات قالوا انها سعودية مش مصرية"، و سمعت ناس شكروا فيها ولأنها زي مانتم عارفين الناقل الرسمي للمنتخب الوطني وأنا مجنونة كرة، المهم الطيار يستحق جائزة أوسكار أسوأ لاندينج عن جدارة، بهدلنا في الجو و لما اترزعنا في الأرض و حسينا إن الطائرة بتتسحل بينا، و كل الركاب خافوا و كانوا بيحسبوا الطائرة بتقع أصلا في الآخر طلع لاندينج عادي".

وتابعت: "ثاني حاجة بقى الأكل لإني من هواة تناول الطعام في السماء، الوجبة مش حلوة ابدا عبارة عن ساندوتشين واحد فراخ وواحد جبنة و الاتنين ملهومش طعم و العيش يعتبر فاضي و طبق في 3 زيتونات - مع إنه في باقي الخطوط بيحطوا على الأقل شرائح خيار كمان مع الزيتون وباكت عصير وواحدة معمولة مفرومة ومفتفتة وحاطين باكت كريمر واحد وباكت سكر واحد للشاي ومافيش سكر زيادة عشان لو حد عايز زي باقي الخطوط ما بتعمل وكمان مافيش ولا ملح ولا فلفل ولا خلة ولا أي حاجة من الحاجات دي، وده كدة رغم إن متوسط أسعار النيل أعلى من باقي الشركات الخاصة الاقتصادية وتقريبا نفس سعر مصر للطيران والخطوط السعودية فيعني احنا بندفع كتير و مش بنلاقي خدمات كويسة في المقابل".

وختمت قائلة: "بصراحة مستمتعتش ابدا بالرحلة دي و معتقدش اكإني هحب اركب النيل تاني".