رئيس التحرير
خالد مهران
count
count

بالصور.. معاناة أهالي «الشيخ زايد» مع مستشفى شهير بالمدينة

مدينة الشيخ زايد
مدينة الشيخ زايد

كشف عدد من سكان مدينة الشيخ زايد عن معاناتهم الكبيرة مع مستشفى زايد التخصصي ، وتشارك المواطنين خبراتهم السيئة على موقع التواصل الاجتماعي فيسبوك. 


فكتب أحدهم يقول:« تجربتي مع مستشفى زايد التخصصي الجميلة ، إمبارح المدام تعبت بالليل، روحت على مستشفى زايد التخصصي، الدكتور قالي يستحسن نحجزها عشان نعمل متابعة وشوية تحاليل، وافقت وروحت عشان أكمل إجراءات الورق وصلت للخزنة لقيته بيقولي عايزين 3000 جنيه تحت الحساب بقوله طب انا مش هامشي في جيبي 3000، دخلوا الحالة وهاروح اجبلكم الفلوس بص لزميله قاله خليها 2000 قلتله دخلوا الحالة وهاروح أجبلكم الفلوس، طبعا هما مش فاضيين عشان جايبين أكل ومش عايزين حد يعطلهم عن الأكل، المهم عمال اتكلم محدش عايز يرد عليا زعقت قلتلهم حد يرد عليا لقيت واحد طالع من على جنب كده لابس شورت يقولي حضرتك معاك 3000 هتخش مافيش مش هتخش، بعد شد وجذب وطبعا سابني عشان يخش يكمل اكل رجعت للدكتور قلتله على اللي حصل حط وشه في الأرض وسكت، المشكله التانيه ان الدكاتره مش عارفين الحاله تعبانه من ايه ودكتور واحد شغال والباقي قاعدين في الأوضة، يا بيرغي مع زميلته ياما ماسك الموبايل، طب انا معايا وكان ممكن ادفع طب بالنسبه للناس اللي مش قادره تعمل ايه حسبي الله ونعم الوكيل".


وكتب أخر معاناته قائلا: « أنا بصراحه كان معايا موقف لبنتي كانت بتفتح باب الأوضه وانكسر الزجاج وايديها انجرحت وكان في قطع في الوتر باليد اليسري ورحت مستشفي زايد التخصصي وقالولنا ندفع ٥٠٠٠ جنيه تحت الحساب مع العلم بأني داخل طوارئ واخذت البنت ونزلت على مستشفي الموظفين بجوار معهد القلب بإمبابه وتم عمل اللازم والحمدلله ولم ادفع ولا مليم".


فيما صدق أخر علي نفس المعاناة قائلا:« ديه مستشفي زباله ..انا رحت بابني اول امبارح الطوارئ سخن جدا وبيرجع أقل شىء يديله حقنه تنزل السخونيه وحاجة توقف الترجيع لأ محصلش كده كتبلي على مضاد حيوي وشراب يوقف الترجيع طب ازاي الطفل بيرجع واديله دوا من الفم يقولي هو كده انتي هتفهمي اكتر مني حسبي الله ونعمه الوكيل فيهم ».

وعلق أخر قائلاً: "أخويا برضوا عمل حادثة وعقبال ما عرفنا وروحناله المستشفى لاقيناه رجله مفتوحة وغرقان في دمه إن دكتور يسأل فيه وتكلمهم يقولك مافيش دكاترة وكنا في رمضان ساعة السحور والدكاترة نايمين لحد مابابا راح علي صوته وزعق وجه دكتور شافه لازم تزعق عشان يسألوه فيك مافيش حاجة بيعملوها لوجه الله والمفروض ان ده شغلهم".