بالصور.. واقعة «خطيرة» تكشف سر الغضب من «نادي نقابة المهندسين» بـ أكتوبر

تسود حالة من الغضب بين أعضاء نادي «نقابة المهندسين» بـ6 أكتوبر؛ بعد نشر صور كميات من الأطعمة تمت مصادرتها، ومنع إدخالها للنادي بصحبة بعض أعضاء النقابة.

وكتب «مصطفى الجندي»، وهو ضابط مهندس بـ«القوات الجوية المصرية»، منشورًا على موقع التواصل الاجتماعي «فيس بوك» سرد فيه تفاصيل هذه الواقعة، داعيًا إلى مقاطعة نادي نقابة المهندسين بـ6 أكتوبر، قائلًا: «قلة أدب نادي نقابة المهندسين بـ6 أكتوبر.. أولًا بدعو الناس لمقاطعة نادي النقابة تماما.. سواء دخول هناك أو أكل من المطاعم أو أى حاجة لحد لما يتعلموا إزاى يحترموا المهندسين !!

وتابع: «إيه اللى حصل.. أولًا الأكل كان ممنوع خالص.. بعدين لما المهندسين ضغطوا سمحواب دخول الساندوتشات فقط.. إيه اللى حصل تاني ؟ ؟..  و حضرتك رايح النادي قدامك حاجتين، ياريح بعربية؛ يا من غير عربية،  لو روحت بعربية و منعوا الأكل، حضرتك هترجع الأكل في عربيتك و تحتفظ بيه، لو روحت من غير عربية، هيبقي قدامك حلين... هتاخد أكلك وتروح لأنك كنت رايح جعان النادي تتغدى و منعوك فتاخد صواني المحشي وتروح البيت..  هتسيب الأكل عند البوابة، وهتقولهم هاخده وأنا مروح..  لو قالوا ليك لا هنرمي الأكل، هتاخد أكلك وتروح.. لأن مش منطقي تسيبه ليهم خاصة إنك تعبت فيه والأكل غالي مش رخيص و كمان فيه حاجات شخصية.. لانش بوكس، صواني، شنط.. فطبيعي يبقي هما حجزوا الأكل عند البوابة وأنت خارج بتاخده تاني.. فصوروا أكل الأعضاء بدون استئذان دي قلة أدب وتخلف وتشويه للمهندسين !!..

واستكمل: «نشر الصور بالشكل ده تخلف وقلة أدب.. مفيش نادي محترم بيعمل كده مع الأعضاء..  خاصة نوادي الجيش والشرطة وأنا دخلتها لو مسموح ليك بأكل أهلا وسهلا..  مش مسموح يبقى خد أكلك وروح أو أرميه بره..  لكن مش بياخدوا الأكل ويصوره ويعملوا فيش وتشبيه للأكل..  نوادي كتير بتسمح بدخول الأكل.. نادي الصيد المصري و غيره ... المهم ** لازم نلاقي حل مع النادي ده… أنا شايف الحل في مقاطعة النادي... خاصة أن الخدمة جوه مش اللى تستحق إن تسيب أكلي عشانها..